Lectio IX
Was bedeutet der Orakelspruch?
Croesus, rex Lydorum, ingentem pecuniam habebat, ingenti imperabat regno. Aliquando Solo Athenaeus eum adiit. Croesus Soloni domum ingentem pulchrasque statuas aureas ostendit et «Quis», inquit, «beatissimus cunctorum hominum est?» Solo autem neque Croesum neque alium hominem beatum esse putabat. «Sci», respondit, «deos deasque beatos esse posse. Nobis autem fortuna pecuniam, regnum, vitam eripere potest.» Croesus Solonem sapientem non esse putavit et eum dimisit.
Paulo post Croesus Cyrum, regem Persarum, regnum valde auxisse audivit et timuit bellum. Itaque nuntios Delphos misit eosque ex Apolline quaerere iussit: «Potest-ne Croesus, rex Lydorum, Persarum exercitum vincere?»
Apollo Croeso respondit: «Si Halyn flumen transibis, magnum regnum delebis.»
Croesus eo nuntio gaudebat et magno cum exercitu Halyn flumen transiit. Ibi autem in acri proelio neque Lydi neque Persae vicerunt. Croesus exercitum Lydorum Sardīs reduxit, Persae autem Sardīs urbem diu obsidebant. Denique Croesum regem ceperunt et ad Cyrum duxerunt. Croesus autem «O Solo, Solo!» clamavit.
«Quem vocavisti?», Cyrus rogavit. Croesus respondit: «Solo Athenaeus me ante multos dies adiit. Pecuniam meam vidit, sed dixit fortunam nobis hominibus cuncta eripere posse. Nunc cuncta amisi, nunc scio Solonem sapientem fuisse.»
Cyrus autem intellexit nunc etiam Croesum sapientem esse. Itaque eum non occidit, sed eum consultorem in domo sua manere iussit.
Wortangaben
aliquando einmal — amittere, amitto, amisi verlieren — Athenaeus der Athener — augere, augeo, auxi, auctum vergrössern — beatissimus der glücklichste — consultor, -oris m der Berater — delebis du wirst zerstören — exercitus, -us m das Heer — occidere, occido, occidi töten — obsidere belagern — si wenn — vita das Leben
Eigennamen
Croesus Kroisos, König der Lydier — Cyrus Kyros, König der Perser — Halys, Akk: Halyn Halys, Fluss in Kleinasien — Sardis, Akk: Sardīs Sardis, Hauptstadt von Lydien — Solo, Solonis Solon, ein als besonders weise geltender Athener
