Lectio IV
Abtauchen in den Thermen
Pater et mater cum filiis thermas petunt. Etiam avus venit, nam dolorem tergi sentit.
In apodyterio vestes relinquunt.
Nunc Manlii palaestram petunt et homines spectant: In palaestrā multi iuvenes magno cum studio se exercent. Avus in exedrā considit, filii autem cum patre in palaestrā pilā ludunt.
Iam filiae cum matre ex apodyterio mulierum ad palaestram veniunt. Magno cum gaudio fratres et patrem vident. Manlia Tertia: «Pater, Crassus vocaris et crassus es!» — Iam mater ridet.
Tum mater et pater, filiae et filii in piscinam saliunt. Avus autem ab exedrā Manlios spectat. Non iam iuvenis est, non iam ludit, non iam salit. Modo senum cuncta spectat.
Tandem cuncti balnea intrant, mater et filiae mulierum, pater et filii virorum.
In tepidario considunt et exspectant.
Ad sonum caldarium intrant, considunt et … sudant. Avus et pater ora aquā frigidā lavant, pueri aquam bibunt. Tum in alveum aquae calidae descendunt. Cuncti in alveo considunt, etiam alii viri. Pueri viros spectant, tum Marcus alium virum rogat : «Crassus-ne etiam tu vocaris?» Cuncti virum spectant et rident. Vir autem patrem spectat: «Salve, Crasse!» Iterum cuncti rident.
Ab alveo ascendunt et in tepidario considunt, tum frigidarium petunt et in alveum aquae frigidae descendunt. Filii non diu in alveo manent, nam aqua frigidior est. Sed pater et avus ibi manent et in aquā se abscondunt, nam Numerium creditorem venire vident. Tandem creditor frigidarium relinquit. Nunc pater et avus ex alveo saliunt. Avus autem dolorem non iam sentit.
Wortangaben
ad sonum beim Gong — ascendere heraussteigen — avus der Grossvater — considere sich setzen — crassus fett — creditor, -oris m der Gläubiger = Mann, dem man Geld schuldet — se exercere trainieren — frigidior ziemlich kalt — frigidus kalt — lavare waschen — ludere spielen — modus Art und Weise — –ne markiert Fragesatz — pila der Ball — salire springen — se abscondere sich verstecken — sudare schwitzen — tergum der Rücken — thermae, -arum (Pl.) die Thermen — tu du — vocaris du heisst
Thermenvokabular
alveus das Becken — apodyterium die Umkleidekabine — balneum das Bad — caldarium das Warmbad — exedra die Sitznische — frigidarium das Kaltbad — palaestra der Sportplatz — piscina das Schwimmbecken — tepidarium die Sauna
