Lectio VII
Ein Leben im Luxus
Hodie Claudia, Corneliae amica, primum Manliorum domum intrat.
Claudia: «Salve, Cornelia! Domum magnam et pulchram esse video.»
Cornelia Claudiae domum ostendit: «Ecce atrium…»
In atrio Corneliae filiae sunt. Subito Manlia Minor Manliae Tertiae vestem eripit. Tertia: «Vestis mihi est! Redde mihi vestem!» — Minor Tertiae respondet: «Vestis mihi est, non tibi eam reddo!» Mater filiis imperat: «Tacete! Minor, vestis Tertiae est, redde ei vestem!» Minor matri paret et sorori vestem reddit. Sed dicit: «Tamen mihi est!» Mater: «Tacete et abite!»
Filiae abeunt. Claudia imagines in pariete pictas spectat et dicit: «Imagines mihi placent! Ecce, Narcissus in aquā se ipsum spectat! Etiam in domo nostrā Narcissum habemus, sed minus mihi placet.»
Claudia impluvium spectat et ibi imaginem suam videt et ridet: «Nunc me ipsam specto, sicut Narcissus se ipsum spectat!» Cornelia ei respondet: «Veni mecum, Narcissa! Periculosum est se ipsam diu spectare.» Tablinum intrant, ubi Claudia pavimentum tesselatum spectat. Valde ei placet. Tum in triclinium eunt. Servae mulieribus soleas tollunt et pedes et manūs lavant, tum eis aquam et cibum dant. Ibi in umbrā aves canere audiunt. Mulieres colloqui incipiunt. Claudia Corneliae donum dat: vestem, nam vestes Corneliae placere scit.
Tum Tertia triclinium intrat et clamat: «Vestis mihi placet!»
Mater autem ei respondet: «Sed mihi est: Eam mihi non eripies!»
Wortangaben
atrium das Atrium — avis, avis f der Vogel — canere singen — colloqui sich unterhalten — donum das Geschenk — eripies du wirst wegnehmen — impluvium das Regenwasserbassin im Atrium — me mich — mecum mit mir — mihi mir — minus weniger — pavimentum tesselatum das Bodenmosaik — paries, parietis m die Wand — periculosus gefährlich — pictus gemalt — se sich — sicut so wie — solea die Sandale — tibi dir — tablinum der Empfangsraum — tollere, tollo ausziehen — triclinium das Esszimmer
